निमिशा सिंह कर जीवित गवाही

मोर नाव श्रीमती निमिशा सिंह मोर पति\घरदार श्री पा.रोहित सिंह पैकरा ग्राम बिशुनपुर ब्लाक\तह.अम्बिकापुर जिला सरगुजा छत्तिसगढ़ कर हो, मैहर बचपन ले ही कैथोलिक परिवार मे जन्मे अउ पलल-पोसल गए अउ मैहर प्रभु यीशु मसीह ला दिल कर गहराई ले नी जानत रहे, अउ न ही मानत रहे, तबो ले मैहर अपन आप ला धर्मी अउ बिश्वासी समझ रहे, अउ मैहर साल भर मे एक अउ दूई तोर ही चर्च\आराधना जात रहे अउ ओ भी तीज त्योंहार मन मे, लेकिन मैहर १९९८ मे एक क्रूशेड कर सभा मे गए रहे, अउ जब हुवा कर बुलाल पास्टर हर युहन्ना ३:१६ कर बचन ला जब प्रचार करत रहिस, त ओ बचन हर मेरे जीवन अउ अन्तर मन ला छूई लेहिस, अउ जब मैहर फिर ओहिच जगहा मे मन फिराए अउ पश्चाताप करे, अउ यीशु मसीह ला अपन जीवन मे स्वीकार कईर के ०३/०१/१९९९ मे बपतिस्मा लेहे काबर की प्रभु यीशु मसीह हर आज्ञा देहिस है मत्ती २८:१८-२० मे अउ प्रभु कर अनुग्रह ले २००५ मे मेरा शादी पा.रोहित सिंह पैकरा जी कर संग मे होईस, प्रभु हर हमन ला तिन झन लईका देहिस है सबेच लईका मन स्वास्थ्य अउ  प्रभु मे है अउ अभी पुरेच परिवार प्रभु मे सर्मपित है, अउ मैहर २०१५ से ए.सी.ए. कर संग जुईड़ के दबोरा सेवकाई बर अगुवा तियार करथो,साथ ही साथ अपन पति\घरदार कर संग मिल के लईका, जवान, महिला, मन कर के छोटे-बड़े झुन्ड मे कई जगहा मन मे जुईट के लोग मन ला प्रशिक्षण देथन अउ कलीसिया रोपन कर  बुता मन ला करथन | अउ प्रभु कर अनुग्रह ले अपन क्षेत्रिय भाषा सरगुजिहा भाषा मे नावा नियम कर अनुवाद कईर के जांच पड़ताल चलत आहे, साथ ही साथ पुराना नियम कर भी अनुवाद करत आहन कृपया कईर प्रार्थना करिहा की प्रभु कर सेवकाई के हर आयाम ला पूरा कईर सकी | अउ संग ही संग मैहर अउ मोर परिवार कर सबेच झन कर जीवन प्रभु यीशु मे सार्थक होए पाए तुमन मन कर प्रार्थना कर आशा मे |

धन्यवाद