मोर नाव पुष्पा कच्छप घरदार श्री अरविन्द कच्छप महुवा पारा अम्बिकापुर जिला सरगुजा छत्तीसगढ़ कर निवासी मैहर हो | मैहर आगू रोमन कैथोलिक चर्च कर रहे, मैहर यीशु मसीह कर बारे मे ढेरेच नी जानत रहे, अउ मैहर अपन घरदार कर संग मे ढेरेच ज्यादा लड़ाई झगरा करत रहे, मैहर प्रार्थना अउ संगती बचन मन ला भी नी जानत रहे, एक दिन मैहर अपन घरदार ले लड़ाई करे लागे, की मैहर चर्च नी जाओ अउ लड़ाई इतेक बईढ़ गिस की मैहर एक मुठा गोली मन ला एसहिच खाए लेहे, अउ जब मोर बतियत बगड़े लागिस अउ मैहर उल्टी करे लागे अउ मोर घरदार हर मोला घुड़के लागिस अउ कहत रहिस की अगर तय हर चर्च जाबे की नी जाबे मैहर नी जानो लेकिन मैहर चर्च जाए ले नी छोड़हू, फेर एक दिन पास्टर जी हर हमर घर आए गिस अउ बढ़िया ले गोएठ बात करे लागिस अउ मैहर ओकर व्यवहार हर मोला अच्छा लागिस फिर मैहर कहे लागे की पास्टर जी मैहर त प्रार्थना करे बचन पढे अउ चर्च भी नी जाथो, पर पास्टर हर बड़ेच ही नम्रता ले बताए लागिस की बहन तय हर हर रोज बाइबल पढ़, प्रार्थना करे कर प्रयास कर अउ फिर मैहर गंभीरता कर साथ प्रार्थना अउ संगती जाए अउ बचन पढे अउ प्रार्थना करे ले शुरू करे अउ जब मैहर परमेश्वर कर बचन कुलु. ३: ५-१० ला सुने त एसन लागिस की ये बचन हर त मोरेच बर है, ये बचन हर मोर जीवन ला बदेल देहिस, अउ मैहर मन फिराए के अउ पश्चाताप कईर के ०३/०१/२०१० मे बपतिस्मा लेहे अउ तब ले मोर खुद कर जीवन के संग-संग पूरेच परिवार हर भी ठिक होए गिस | अउ सन २०१७ कर कुछ महीना ले पास्टर रोहित सिंह कर द्वारा रेव्ह.एच.के.पटेल जी ले भेटाए अउ फिर ओ.ए.(ए.सी.ए.) कर संग जुईड़ कर दबोरा सेवकाई कर माध्यम ले महिला मन ला अगुवा पन कर ट्रेनिंग देहत आहो प्रार्थना करिहा की प्रभु कर एक बिश्वासयोग्य सेविका बईन के सबेच काम मन ला कईर सको |
पुष्पा कच्छप
महुवा पारा अम्बिकापुर
सरगुजा छत्तीसगढ़
